LONDEN. – Nooddienste is na ’n toneel van ‘n botsing op die Teemsrivier naby die Westminster-brug in die sentrale deel van Londen ontbied.
Die insident, waarby ’n polisievaartuig betrokke was, het Vrydagmiddag 24 Julie omstreeks 15:45 plaasgevind.
Luidens ’n verklaring is beseerdes op ’n boot by die Westminster-pier behandel. ’n Groot ontplooiing van polisiebeamptes, brandweerspanne en ambulanse was ook op die toneel. Dit het veroorsaak dat verkeer oor die brug tot stilstand gekom het.
’n Polisiehelikopter en ’n lugambulans het bo die toneel gesirkel.
Die metropolisie het bevestig dat vyf van hul beamptes beseer is nadat die polisievaartuig teen die Westminster-brug vasgery het.
’n Aantal van die beamptes, wat glo gewapende polisie was, het in die Teemsrivier beland ná die botsing en moes uit die water gered word.
Die Westminster-brug was afgesper en ingang 3 en 4 van die Westminster-metrostasie was ook vir die publiek gesluit.
Bron: UK Standard | UK Independant
