SUID-KOREA. – ‘n Suid-Koreaanse vrou gaan krimineel aangekla word nadat haar poging om ‘n kakkerlak met ‘n vlambare sproei en aansteker dood te maak haar woonstelgebou laat vlam vat het.
Lees ook: Brandstofprys kan in November daal
Die Suid-Koreaanse polisie het bevestig ‘n lasbrief vir die vrou se inhegtenisneming sal verkry word nadat haar buurvrou gister in die brand omgekom het.
Die buurvrou het uit ‘n venster op die vyfde vloer geval toe sy en haar man met hulle twee maande oue baba van die brand probeer wegkom het.
Nog agt inwoners het simptome van rookinaseming getoon en moes in die hospitaal opgeneem word.
Die verdagte het gesê sy het voorheen die metode van ‘n vlambare sproei en aansteker gebruik om van goggas ontslae te raak.
Bronne: BBC, NDTV, The News International
Lees ook: Brandstofprys kan in November daal
