Op 2 Februarie 1659 het Jan van Riebeeck in sy dagboek geskryf: “Vandag, prys God, was wyn vir die eerste keer gepars uit die Kaapse druif.” Hierdie inskrywing merk die ontstaan van die Suid-Afrikaanse wynbedryf en maak Suid-Afrika die enigste land wat ’n spesifieke dag vir die ontstaan van sy wynbedryf herdenk.
Lees ook: https://nuusflits.com/groot-constantia-estate-hosts-early-harvest-celebration/
Die jaarlikse Wynoesherdenkingsgeleentheid vind op die historiese Groot Constantia plaas. Tydens dié geleentheid word minstens vyf persone vereer wat van onskatbare waarde vir die wynbedryf is, as erkenning vir hul prestasies en bydraes tot die indrukwekkende 367-jarige geskiedenis van Suid-Afrikaanse wyn.
Vanjaar se glansgeleentheid het op Donderdag 5 Februarie plaasgevind. ’n Heildronk is op die vereerdes ingestel vir die vestiging van standaarde wat ander lede in die bedryf kan nastreef. Die volgende persone is vereer:
- Retief-familie (Van Loveren) – 1659 Toekenning vir Visioenêre Leierskap
- Charl Theron – Wingerd- en Wynbou
- Denzel Swarts – Bevordering van Inklusiwiteit
- Pieter Ferreira – Wynbevordering
- Wilfred Fortuin – Wyn-agri-werker-kategorie
Vier die wynkultuur saam hierdie Februarie en klink ‘n glasie op uitnemendheid, die ryke erfenis en prestasies van Suid-Afrikaanse wyn.
Volg @sawineharvest op sosiale media en gebruik die hutsmerk#HappyBirthdaySAWine #1659
