PARKTOWN, GAUTENG. – Die Rietgat-SAPD het Saterdag 11 verdagtes in hegtenis geneem in verband met die penne-voorvalle op die paaie in die Tshwane-distrik.
Gevalle van motoriste wat penne op veral die N1, N4 en R80 in die Tshwane-area tref, is aan die toeneem. Owerhede het Saterdag inligting ontvang aangaande verdagtes wat met van die voorvalle verbind kan word.
Die SAPD het op ’n huis in die Winterveldt-nedersetting toegesak wat na bewering ook as ’n onwettige sjebien bedryf word.
Een verdagte het op die polisie geskiet en is noodlottig gewond. Nog nege ander mans is in hegtenis geneem saam met ’n vrou wat na bewering die sjebien onwettig bedryf het.
Vyf van die verdagtes, insluitende die oorledene, sal van verkragting en roof aangekla word. Owerhede werk tans daaraan om die ander verdagtes aan roof en onder andere aanlyn verkoopfoefies te verbind.
Hulle het beslag gelê op ’n replika van ’n vuurwapen en alkohol.
Lt. genl. Mhtombeni het die span bedank vir hulle toewyding en harde werk om diegene wat die gemeenskap terroriseer aan die pen te laat ry.
Bron: SAPD
