WES-KAAP. – ‘n Meisie (15) is Donderdagaand omstreeks 20:40 in Robinstraat, Valhalla Park, in haar huis met skietwonde aangetref. Die voorval word deur die polisie ondersoek.
Kapt. Frederick van Wyk, polisiewoordvoerder, sê aan Nuusflits polisiebeamptes het vir ‘n klagte by die adres opgedaag. Die slagoffer is op die toneel met skietwonde aan haar kop en heup aangetref. Sy is vir mediese behandeling per ambulans na ’n nabygeleë mediese fasiliteit vervoer.
‘n Saak van poging tot moord is oopgemaak. Die polisie vra enigiemand met relevante inligting om na vore te kom.
