DE AAR.- Die vinnige reaksie van die misdaadintelligensie-eenheid hier het gelei tot die in hegtenisneming van ’n 18-jarige vroulike verdagte.
Brig. Mohale Ramatseba, polisiewoordvoerder, sê hulle het inligting opgevolg en het die vermeende dwelmhandelaar Woensdag in hegtenis geneem. “Daar is vier sakke Crystal Meth in haar besit gevind.”
Hy sê die beraamde straatwaarde vir die dwelms is ongeveer R11 000.
“Die verdagte sal na verwagting binnekort in die De Aar-landdroshof verskyn. Die ondersoek duur voort.”
