BLOEMFONTEIN – ’n Saak van brandstigting is geregistreer vir nadere ondersoek nadat waens by ‘n treinstasie in Bloemfontein aan die brand gesteek is.
Op Saterdag 4 Januarie 2020, omstreeks 14:30, het ’n werknemer aangedui dat hy rook by die waens wat op die treinspoor langs die Bloemfonteinse treinstasie geparkeer is, sien uitkom. By nadere ondersoek het hy opgemerk dat ’n aantal treinwaens aan die brand geslaan het.
Later is ontdek dat 24 waens, elk ter waarde van R4 miljoen, verbrand is. Die oorsaak van die brand word ondersoek, maar daar is vasgestel dat daar geen elektrisiteit of brandstof in die waens was nie.
Enigiemand met inligting moet die Parkweg-polisie skakel by 051-5076000 of Crime Stop by 08600 10111.
