Lees ook: Pad gesluit ná ongeluk tussen verskeie voertuie
Altesaam 25 voertuie was betrokke in ‘n ongeluk oorkant die Khoroni-hotel in Thohoyandou na ‘n Scania-bus beheer verloor het en in ‘n minibus vasgery het.
‘n Voetganger is dood wat deur die minibus omgery is. Die bestuurder van die minibus is ernstig beseer. Nog 11 mense het beserings in die ongeluk opgedoen. Al die pasiënte is na die Tshilidzini-hospitaal geneem vir behandeling.
Die oorsaak van die ongeluk word ondersoek. Die Limpopo-LUR vir vervoer en gemeenskapsveiligheid het haar hartseer oor die ongeluk uitgespreek.
Bronne: Arrive Alive
