KWAZULU-NATAL. – ‘n Huis in Waterloo is Dinsdag aan die brand gesteek deur ‘n 5-jarige seun wat met vuurhoutjies gespeel het.
Reaction Unit South Africa (Rusa) sê die diens is omstreeks 13:30 vir hulp na Lilistraat, waar ‘n hout-en-ysterstruktuur in vlamme gehul is, ontbied. Reaksiebeamptes en Ethekwini se brand-en-reddingsdienste het saam op die toneel aangekom. Die vuur is geblus, maar die struktuur was totaal verwoes.
Rusa sê daar is vasgestel die kind het met vuurhoutjies gespeel en die huis per ongeluk aan die brand gesteek. Geen beserings is aangemeld nie.
