KAAPSTAD. – Kraaifontein se eenheid vir gesinsgeweld, kinderbeskerming en seksuele misdrywe vra die publiek se hulp om die persoon wat in die gesigsamestelling uitgebeeld word, op te spoor.
Die persoon van belang kan help met die ondersoek van ’n saak wat verkragting, ontvoering en poging tot moord insluit.
’n Voorlopige ondersoek dui daarop dat die slagoffer op 30 September 2023 na Bloekombos per taxi gery het. Op pad het die bestuurder in die rigting van Bottelaryweg gery waar hy die slagoffer glo aangerand, verkrag en naak in die bosse agtergelaat het.
Die slagoffer het later daarin geslaag om na ’n nabygeleë restaurant te stap waar die personeel haar met vervoer na die Kraaifontein-polisiestasie bygestaan het.
Indien iemand enige inligting rakende die verdagte of voorval het, of selfs iemand ken wat soos die persoon in die gesigsamestelling lyk, word hulle aangemoedig om AO Vatishwa Tsotso by 082 522 1039 te kontak.
Bronne: SAPD, Twitter
