LIMPOPO. – ‘n Sakevrou (58) is Vrydag omstreeks 23:00, saam met agt buitelandse vroue wat vir haar by ‘n wassery werk en glo onwettig in die land is, op Sterkloop-kleinhoewe in Westenburg-polisiëringsarea in hegtenis geneem.
Volgens kol. Malesela Ledwaba sê die sakevrou bedryf ‘n wassery wat vir verskeie openbare hospitale beddegoed en klere was. Die agt vroue, tussen die ouderdom van 29 en 49 jaar oud, het glo sonder die nodige dokumente vir haar gewerk.
Ledwaba sê die polisie was besig met ‘n operasie toe hulle ‘n wenk ontvang en die verdagtes op heter daad deur Westenburg-polisielede en beamptes van binnelandse sake betrap is. Hulle werk na wat beweer word net nagskof.
Geen dokumente wat bewys hulle is wettig in Suid-Afrika kon deur die vroue getoon word nie en hulle is vir die oortreding van die immigrasiewet in hegtenis geneem.
Die ondersoek duur voort.
Die vroue sal Maandag in die Polokwane-landdroshof (Pietersburg) verskyn.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
