Die Afrikaanse skrywer, Chanette Paul, se nuwe boek, Anoniem is onlangs deur LAPA-Uitgewers gepubliseer. Dit is die 50ste boek uit haar pen.
Haar eerste boek het in 1996 verskyn. Sy het in 2007 begin om romanse deel van haar spanningsverhale se storielyne te maak. Lesers het ’n groot waardering vir haar karakters se ontwikkeling en die realistiese storielyne wat sy skep.
Anoniem volg die verhaal van Lula Prins wat oor wil begin op Heydendal. Sy kry ’n nuwe naam om by haar nuwe lewe te pas. Dan stap daar ongenooide ’n man in haar lewe in en die verlede begin haar inhaal.
Bronne: LitNet, Goodreads, LAPA-Uitgewers
