KWAZULU-NATAL. – ‘n Bejaarde vrou (77) van Grovepark, in Phoenix, is Maandag vermoor aangetref.
KZN VIP Protection Services sê die slagoffer is vermoedelik verwurg.
Volgens inwoners en gemeenskapslede op die toneel was die tuinier glo die laaste persoon wat gesien is die huis verlaat.
Die motief is onbekend. Alle rolspelers was op die toneel teenwoordig.
Lt.kol. Nqobile Gwala sê Phoenix-polisie ondersoek die moord nadat die bejaarde vrou verwurg is. Die oorledene is in die badkamer gevind waar sy op die vloer met ‘n wit serp om haar nek gelê het.
