Lees ook: Zuma en MK-party gaan appelleer teen OVK se besluit
Een van die mense wat in die MK-party se hofdokumente aan die verkiesingshof genoem word, het gesê hy het nie beswaar gemaak teen Jacob Zuma se kandidaatskap nie.
Die man, identifiseer as Bethuell Terrence Nkosi, het gesê sy e-pos is deur kuberkrakers binnegedring. Hy het gesê hy het nie beswaar gemaak nie en het glo nie eens daarvan geweet nie.
Die ander man, Maroba Matsapola, het erken hy het by die OVK oor Zuma se kandidaatskap beswaar gemaak.
Dit volg na die OVK verlede week aangekondig het Zuma mag nie aan die verkiesing deelneem as ’n kandidaat nie omdat hy 15 maande tronkstraf opgelê is. Die MK-party en Zuma het teen die besluit appelleer.
Hulle voer by die verkiesingshof aan Zuma is nie skuldig bevind van ’n misdaad nie, maar van minagting van die hof.
Die hof het tot 9 April om te beslis of Zuma as ’n kandidaat in die verkiesing kan staan of nie.
Bronne: IOL, Briefly, The Africa
Lees ook: Zuma en MK-party gaan appelleer teen OVK se besluit
