KWAZULU-NATAL. – Rusa waarsku motoriste en voetgangers in die omgewing van die R102 in Cornubia, Verulam en Phoenix om waaksaam te wees, nadat verskeie steekvoorvalle en moorde in die area voorgekom het.
Reaction Unit South Africa sê die verdagte(s) teiken gestrande motoriste en voetgangers en steek hulle herhaaldelik, voordat daar van die misdaadtoneel gevlug word.
Verskeie motoriste wat met ‘n gebreekte voertuig gaan staan het, is gesteek.
“It is believe that the suspect prowl the main road or resides in an area that has the road visual. Most of these attacks were reported during dark hours.”
Rusa sê lede van Verulam-polisie se misdaadvoorkomingseenheid het hulle ingelig sewe verdagtes is in die betrokke omgewing in hegtenis geneem. Die verdagtes het glo gevaarlike wapens en dwelms in hulle besit gehad.
Hoësigbaarheidspatrollies sal deur Rusa en die polisie in die geïdentifiseerde gebied gedoen word.
Nuusflits het polisiekommentaar gevra.
