GAUTENG. – Vier Zimbabwiese burgers is in hegtenis geneem na altesaam 3 000 liter vervalste petroleumolie ter waarde van R225 000 Dinsdag deur die polisie in Centurion gekonfiskeer is.
Kol. Amanda van Wyk sê inligting is ontvang en ‘n deursoeking-en-beslagleggingslasbrief is bekom. Daarna is ‘n operasie deur die nasionale vervalsingseenheid, die kommersiële misdaadondersoekeenheid en handelsmerkbeskermers geloods.
Die olie, wat verskeie handelsmerke naboots, is in die voorstad van Monavoni in Centurion gevind. Vier Zimbabwiese burgers, wat in hegtenis geneem is, se status om in die land te wees sal met behulp van die departement van binnelandse sake ondersoek word.
Die verdagtes sal na verwagting op ‘n aanklag van die oortreding van die wet op vervalste goedere in die hof verskyn.
