WES-KAAP. ‘n Kleuter is Dinsdag dood met hondbytwonde in Begoniastraat in Groenvallei, Sedgefield, aangetref.
Anelisiwe Manyana, polisiewoordvoerder, het die insident aan Nuusflits bevestig en gesê die polisie het op ‘n klagte van ‘n vermiste kind wat die bosse ingehardloop het terwyl ‘n hond hom jaag, reageer.
“’n Soektog in die omgewing het die lyk van ’n seun met bytmerke opgelewer.”
Die seun is op die toneel deur mediese personeel dood verklaar. Kynsna-polisie het ‘n geregtelike doodsondersoek geopen.
Mossel Bay Advertiser en Knysna-Plett Herald het die seun as Simikuso Ntswayibana (4) geïdentifiseer. Volgens Algoa FM News het die seun gespeel toe die hond hom aanval en hy die bosse ingevlug het.
