WES-KAAP. -‘n Sersant verbonde aan Malmesbury-polisiestasie is Vrydag gearresteer nadat ‘n vrou (41) wat na bewering op Kersdag by die polisiestasie verkrag is, ‘n verkragtingsaak geopen het.
Brig. Novela Potelwa sê die saak word deur Opod ondersoek en lt.genl. Thembisile Patekile, die provinsiale kommissaris, het die stasie vir ‘n inligtingsessie besoek. Dissiplinêre stappe is intussen teen die geskorste sersant ingestel.
Patekile sê dit is steurend dat ‘n polisiebeampte ‘n vrou by die speurtakkantoor van die polisiestasie verkrag het. Voorts het die generaal herhaal polisiestasies is verondersel om veilige ruimtes vir die gemeenskap te wees.
