Lees ook: Dodetal in Los Angeles-brande styg steeds
SAN DIEGO, VSA. – Mense is ontruim na brande gisteraand in San Diego, VSA uitgebreek het. Sowat 86 mense is ontruim en twee strukture is beskadig na ’n brand in Bonsall, ’n klein gemeenskap 45 minute noord van San Diego, ontstaan het.
Dinsdag het ten minste nog twee brande uitgebreek, wat vererger is deur sterk winde en droë omstandighede.
Twee brande in die Palisades- en Eaton-gebiede in Los Angeles is steeds nie geblus nie. Sowat 15 000 strukture is in dié brande vernietig en minstens 28 mense is oorlede.
Daar is kommer dat die brande nog sal versprei of dat nuwe brande kan begin.
Bronne: USA Today, Fox News, Times of San Diego
