MTHATHA. – Die saak teen ses van die verdagtes in die Lusikisiki-massaskietery is tot 14 April uitgestel.
Lees ook: Lusikisiki-saak uitgestel vir verdere ondersoek
Dit volg na die staat aanklagtes teen twee van die verdagtes, Lwando Abi (33) en Zenande Paya (38), onttrek het.
Mzukisi Ndamase (46), Siphosoxolo Myekethe (45), Aphiwe “AP” Ndende (25), Bonga Hintsa (31), Mawethu Nomdlembu (36) en Songezo Vuma (20) word aangekla van sameswering tot moord, moord, ontvoering, roof en die onwettige besit van vuurwapens en ammunisie.
Die verdagtes word aangekla vir die dood van 18 mense op 28 September 2024 na ’n massaskietery by twee huise in Lusikisiki. Hulle is ook verbind aan die moord van die politikus Mncedi Gijana in KwaBhaca op 19 Augustus 2024.
Bronne: NVG
