GAUTENG. – ‘n Man is Sondagoggend dood en sy vroulike passasier is ernstig beseer ná ‘n klip hul motor se voorruit op die N17, sowat 1 km vanaf die Flakfonteinbrug, getref het.
Luidens ‘n WhatsApp-plasing op een van die Life Traffic-skerpgemaakte ysterpengroepe het die voorval skokgolwe deur die gemeenskap gestuur en vrees verder aangewakker vir paaie waar klippe na voertuie gegooi word en skerpgemaakte ysterpenne op paaie geplaas word.
Die paartjie in die voertuig was op pad werk toe, toe ‘n onbekende verdagte ‘n klip van ‘n brug gooi en hulle voertuig getref het. Die bestuurder het beheer oor die voertuig verloor en dit het tot ‘n ernstige ongeluk gelei. Die man is op die toneel dood verklaar. Die vrou is in ‘n kritieke toestand na ‘n nabygeleë hospitaal geneem. Die verdagte is steeds op vrye voet. Motoriste word aangeraai om waaksaam te wees, veral in die omgewing van brûe en oorpaaie en word ook gevra om enige verdagte aktiwiteit by die polisie aan te meld.
Live Traffic vra motoriste om die volgende nuttige veiligheidswenke op paaie te gebruik: bly waaksaam, vermy nagreise waar moontlik, rapporteer verdagte gedrag, reis in groepe, versterk voertuigveiligheid en bly ingelig met opdaterings vanaf platforms soos Live Traffic om bekende gevaarsones te vermy.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
