AHMEDABAD, INDIЁ. – Die Air India-voorsitter, N Chandrasekaran, het gesê die regterenjin op die ongeluksvliegtuig, ‘n Boeing 787 Dreamliner, wat verlede week op 12 Junie neergestort het, was nuut en is in Maart 2025 op die vliegtuig geïnstalleer.
Lees ook: Air India-vlug vandag gekanselleer
Hy het gesê die linkerenjin is laas in 2023 gediens en die volgende volledige diens was vir Desember geskeduleer.
Chandrasekaran het gesê die vliegtuig het ’n skoon geskiedenis gehad nadat dit bekend gemaak is dat die vliegtuig 12 jaar oud was.
Sowat 270 mense is in die ongeluk oorlede. 241 van die oorledenes was passasiers, ná die vliegtuig 40 sekondes nadat dit opgestyg het, neergestort het.
Die vlugopnemers is gevind en sal na die VSA gestuur word om ontleed te word. Air India se ander Boeing-vliegtuie word nou ondersoek vir enige foute.
Bronne: BBC, The Independent, India Today
Lees ook: Air India-vlug vandag gekanselleer
