FRANKRYK. – Ongeveer 2000 goue en silwer munte ter waarde van $104 000 is Sondagaand by ‘n museum in Landres, ure ná die inbraak by die Louvre-museum, gesteel.
Lees ook: Veiligheidskameras in Louvre het nie gebied van inbraak gedek nie
Die rooftog het tydens toemaaktyd by die museum, wat toegewy is aan die Franse filosoof Denis Diderot, in Landres plaasgevind.
Museumwerkers het die diefstal die volgende dag ontdek. Die ingangsdeur was stukkend en stukke glas het in die voorportaal gelê. Niks behalwe die munte word vermis nie.
Die munte is in 2011 in ‘n historiese woning, wat nou die museum is, in die hout weggesteek gevind. Die muntstukke dateer vanaf 1790 tot 1840.
Ses goudstukke is verlede maand in ‘n diefstal by die Paryse Natural History Museum gesteel. ‘n Chinese burger is vir hierdie diefstal in Barcelona in hegtenis geneem toe sy gesmelte goud probeer verkoop het.
In September het diewe twee Chinese porseleinborde en ‘n blompot van die nasionale porseleinmuseum in Limoges gesteel. Die items is steeds vermis en niemand is vir die diefstal in hegtenis geneem nie.
Bronne: BBC, Times of India, MoneyControl
Lees ook: Veiligheidskameras in Louvre het nie gebied van inbraak gedek nie
