PARYS, FRANKRYK. – Nog vyf verdagtes is gisteraand in Parys vir die inbraak by die Louvre-museum in hegtenis geneem.
Lees ook: Veiligheidskameras in Louvre het nie gebied van inbraak gedek nie
‘n Hoofverdagte is een van dié wat gisteraand in hegtenis geneem is. Die inhegtenisneming volg nadat twee verdagtes wat voorheen aangekeer is “gedeeltelik erken het” dat hulle betrokke was by die roof. Die hoofverdagte en die ander twee is moontlik deel van die 4-persoon span wat die inbraak uitgevoer het. Die vierde persoon wat deel was van die span, word nog gesoek.
DNS van een van die verdagtes wat in hegtenis geneem is, kan aan die misdaadtoneel verbind word.
Dit is onbekend hoe die vier ander verdagtes by die inbraak betrokke was. Die Franse aanklaer Laure Beccuau het gesê hulle “sal mettertyd inligting vrystel oor hoe die voorval plaasgevind het”.
Bronne: BBC, CNN, ABC
Lees ook: Veiligheidskameras in Louvre het nie gebied van inbraak gedek nie
