JAPAN. – Soldate en nooddienswerkers het Woensdag deur ‘n swaar beskadigde winkelsentrum, ‘n papiermeule en ineengestorte huise gesoek na oorlewendes wat moontlik onder die puin vasgekeer is nadat ‘n kragtige aardbewing gister minstens 13 mense in Suidwes-Japan dood en talle ander vermis gelaat het.
CBS News berig sowat 36 900 huishoudings is steeds sonder elektrisiteit, 9 500 huishoudings sonder gas, en werk kommunikasienetwerke in sommige gebiede nog nie, volgens die regering se hoofwoordvoerder, Minoru Kihara.
Meer as 9 000 mense het hul huise verlaat en skuiling in meer as 500 noodskuilings gesoek. Kihara het gesê bykomende kragbronne word voorsien sodat die ontruimingsentrums lugversorging kan hê.
Sneltreindienste en sommige lughawebedrywighede is steeds opgeskort, terwyl die omvang van die skade nog bepaal word, ‘n dag nadat die aardbewing van 7,1 die Kumamoto-gebied op die suidelike hoofeiland, Kyushu, getref het.
Bronne: CBS News, BBC.
