VRYSTAAT. – ’n 4-jarige seun is Vrydag dood, met verskeie beserings aan sy kop en liggaam, in ’n begraafplaas in Winburg gevind.
Volgens polisiewoordvoerder, sers. Palesa Thabana, is Rethabile Lefa Jafta Donderdag as vermis aangemeld. ’n Soektog na hom is van stapel gestuur.
Die polisie is na die begraafplaas in Valkop, naby die Phahameng- informele nedersetting ontbied, nadat lede van die gemeenskap op die kind se liggaam afgekom het. Rethabile is op die toneel dood verklaar en sy naasbestaandes het hom positief geïdentifiseer. ’n Swart T-hemp is langs sy liggaam gevind. ‘n Moordsaak word ondersoek. Die motief vir die misdaad is nog onbekend en niemand is tot dusver in hegtenis geneem nie.
Die polisie doen ’n beroep op enigiemand met inligting om na vore te kom. S.sers. Liezel van der Westhuizen kan by 082 466 7678 gebel word.
