LIMPOPO. – Die Amerikaanse miljoenêr, Asher Watkins, is Sondag oorlede nadat ’n buffel wat hy wou jag hom die naweek in Limpopo deurboor het.
Lees ook: Israel keur volledige oorname van Gasastad goed
Sy dood is deur die safarimaatskappy, Coenraad Vermaak Safari’s, wat hy vir ’n jaguitstappie betaal het, bevestig.
Volgens Coenraad Vermaak Safari’s is Watkins dood nadat ’n buffel, wat nie gewond was nie, hom sonder waarskuwing aangeval het terwyl hy dit met een van die professionele jagters en een van die spoorsnyers van die maatskappy gevolg het.
Coenraad Vermaak Safari’s het hulle medelye teenoor Watkins se familie en vriende uitgespreek en gesê hulle sal ten volle saamwerk met owerhede om seker te maak alle prosedures word gevolg.
Bronne: Coenraad Vermaak Safari’s
Lees ook: Israel keur volledige oorname van Gasastad goed
