Lees ook: Mpumalanga en KZN gesondheidsministers gaan busongeluk slagoffers besoek
PHILADELPHIA, VSA. – ‘n Vrou in Philadelphia, VSA, het vertel hoe ‘n kriptobedrieër haar vir maande betower het met oulike boodskappe en ‘n mooi glimlag voor hy haar uit $450 000 geswendel het.
Shreya Datta het vertel die bedrieër het al haar spaar- en aftreegeld gesteel en haar met skuld gelos. Sy het gesê die bedrieër het diepvervalste videos en ‘n gesofistikeerde draaiboek gebruik om haar brein binne te dring.
Die bedrogspul staan bekend as “varkslag” waar slagoffers vergelyk word met varke wat vet gemaak word voor hulle geslag word of altans mislei word om ‘n vals kriptobelegging te maak. Datta het die bedrieër “Ancel” op ‘n afspraaktoep ontmoet en na maande het hy haar oortuig om geld te belê in ‘n kriptobelegging.
“Ancel” het haar oortuig om haar spaargeld en aftreefonds te belê en om lenings te maak. Toe sy die geld later wou onttrek, kon sy nie en “Ancel’ het verdwyn. Die FBI ondersoek dié saak en soortgelyke gevalle.
Mense word gewaarsku om versigtig te wees op afspraaktoeps.
Bronne: eNCA, The Business Times, Briefly
Lees ook: Mpumalanga en KZN gesondheidsministers gaan busongeluk slagoffers besoek
