Die Springbokkaptein, Siya Kolisi, se handoperasie blyk ’n sukses te wees. Kolisi het Dinsdagaand in ’n Instagram-plasing gesê hy sal binnekort weer in aksie wees.
Kolisi het ’n operasie aan sy regterhand in ’n Franse hospitaal ondergaan nadat hy verlede naweek teen Bordeaux ’n besering opgedoen het. Hy het egter die volle 80 minute van die wedstryd gespeel.
Dit is Kolisi se tweede operasie in minder as 12 maande. Sy vorige operasie was kort voor die 2023-Wêreldbekerrugbytoernooi.
Bronne: Siya Kolisi Instagram-blad, Rugby Pass, BokSquad, IOL
Kry jou nuutste nuus elke oggend per e-pos. Teken hier aan:
