SUID-AFRIKA. – Die Suid-Afrikaanse weerdiens het hulle amptelike weervoorspelling vir Maandag en Dinsdag uitgereik.
Maandag sal dit bewolk wees in die ooste, andersins gedeeltelik bewolk en warm met verspreide tot wydverspreide reën oor die sentrale en oostelike dele van die land. Koel weer word vir langs die Ooskus voorspel.
Reën sal Dinsdag weswaarts na die binneland beweeg en daar ook buie en donderbuie tot gevolg hê.
’n Geelvlak 2-waarskuwing vir sterk wind wat tot ontwrigtende strandaktiwiteite kan lei, is vir vandag tussen Lambertsbaai en Kaap Agulhas sowel as Kaapstad uitgereik.
Brandwaarskuwings vir vandag sluit die ooste van die Noord-Kaap, die westelike dele van Noordwes, die bosveld-area van Limpopo en die Matjhabeng- munisipale area van die Vrystaat in.
Bronne: SAWS, Facebook
