PARYS, FRANKRYK. – Die Paryse aanklaer Laure Beccuau het gesê die verdagtes wat daarvan aangekla word dat hulle verlede maand die Louvre-museum beroof het, is plaaslike misdadigers, maar is nie “geassosieer met georganiseerde misdaad nie”.
Lees ook: Louvre-verdagtes erken ‘gedeeltelike betrokkenheid’
Vier persone – drie mans en ‘n vrou wat “almal min of meer in Seine-Saint-Denis” woon, is in hegtenis geneem en aangekla van die diefstal .
Twee van die verdagtes wat eerste in hegtenis geneem is, is bekend aan die polisie omdat hulle verskeie kere vantevore van diefstal skuldig bevind is.
Die man (37) en die vrou (28) is op 29 Oktober in hegtenis geneem en Saterdag aangekla. Beccuau het gesê die man was glo een van die vier verdagtes wat deel was van die inbraak. Hy het 11 skuldbevindings teen hom. Die vrou is sy meisie en die ma van sy kinders. Sy is ook in hegtenis geneem nadat haar DNS op die misdaadtoneel gevind is. Beccuau het gesê die DNS is moontlik oorgedra deur iemand wat in kontak was met haar of ‘n voorwerp wat sy aangeraak het, is moontlik daar geplaas.
Drie ander mense wat verlede week in hegtenis geneem is, is sonder aanklagtes vrygelaat. Die vierde manlike verdagte word nog gesoek.
Bronne: BBC, The Globe and Mail, The Independent
Lees ook: Louvre-verdagtes erken ‘gedeeltelike betrokkenheid’
