WES-KAAP. – ‘n Aardbewing wat 6.7 op die Richterskaal meet, het vanoggend omstreeks 06:55 suid van Mosselbaai in die Indiese Oseaan plaasgevind.
Die aardbewing was op ‘n diepte van 10 km.
Volgens Volcano Discovery is die seismiese energie-aktiwiteit wat gemeet is, gelykstaande aan 10.6 atoombomme.
Mossel Bay Advertiser sê geen tsoemani-waarskuwing is uitgereik nie.
Die laaste aardbewing op rekord vir Suid-Afrika was in Gauteng op 30 Junie wat 2.6 op die Richterskaal gemeet het.
