LEES OOK: Die gemiddelde salaris in SA: Hoe vergelyk joune?
Die Raad vir Geowetenskap het bevestig dat ‘n aardbewing van 2.5 op die Richterskaal gisteraand dele van Johannesburg getref het. Dit sê die episentrum was in die suide van die stad, wes van Doornkop en Soweto.
Dit is die derde aardbewing van hierdie aard wat in die laaste paar maande aangeteken is. Die skudding het Woensdagaand net ná 21:00 in die suide van Johannesburg plaasgevind.
Die raad het gesê dit het ‘n lesing van 2,5 op die Richterskaal aangeteken. Robert Mulaudzi, woordvoerder van die Johannesburg-nooddienste, sê hulle het geen verslae van beserings of skade ontvang nie.
#Aardbewing #Johannesburg #Rampe #Nuus
Bronne gebruik: SABC Nuus; The Citizen; EWN.
