Dr. Pieter Groenewald het, sedert hy die pos as minister van korrektiewe dienste opgeneem opgeneem het, ‘n aansienlike vermindering in agterstallige paroolaansoeke teweeg gebring. Hy en sy sekretariaat het reeds deur 325 ou aansoeke gewerk.
Euné Oelofsen, woordvoerder vir die minister, sê hy het 495 aansoeke van die ou administrasie oorgeneem. Hy het ook 60 nuwe aansoeke ontvang wat aandag gekry het. Van die 495 agterstallige aansoeke is daar slegs 170 oor wat verwerk moet word.
Groenewald het belowe om die agterstallige aansoeke teen 15 Oktober afgehandel te hê.
Met die nodige aanbeveling het Groenewald die laaste sê oor die magtiging van parool.
Lees die volledige verklaring hier onder:
