OOS-KAAP. – Tydens operasies wat vanaf 17 tot 24 Maart in die Oos-Kaap geloods is, is altesaam 174 beweerde dronkbestuurders van die paaie afgehaal.
AO Majola Nkohli sê ‘n totaal van 1 063 arrestasies is tydens 32 hoëdigtheidsoperasies in agt distrikte van die provinsie uitgevoer, waaronder dié beweerde 174 motoriste vir dronkbestuur. Die inhegtenisnemings sluit 30 vermeende verdagtes van 17 ongelisensieerde vuurwapens en ammunisie in, 17 wat onwettig met drank handel dryf, 179 vir die besit van dwelmmiddels, 29 vir moord, 26 vir verkragting, 199 vir aanranding met die doel om ernstig te beseer en 114 vir gewone aanranding.
Saam met die arrestasies is daar op 17 ongelisensieerde vuurwapens met ammunisie, 4 583 perlemoene, Mandrax-tablette, tik en dagga beslag gelê.
