AUSTRALIЁ. – Sam Jones, die Amerikaner wat ‘n bababuidelmuis (wombat) by die diertjie se ma gevat het om ‘n video te neem, het Australië verlaat.
Lees ook: Amerikaanse vrou gekritiseer wat babadier van ma neem vir video
Die minister van binnelandse sake in Australië het gesê hulle was besig om te ondersoek of hulle Jones, wat ook die naam Samantha Strable gebruik, se visum kon onttrek, maar sy het die land vrywillig verlaat.
Sy is nie aangekla van enigiets nie en dus was daar nie ‘n wettige rede om haar visum te onttrek nie.
In die video het sy die bababuidelmuis langs die pad gegryp en daarmee weggehardloop terwyl sy lag oor die diertjie se ma wat agternahardloop. Buidelmuise, in Suid-Australië en Tasmanië aangetref, is ‘n beskermde spesie in Australië en om klein diertjies van die ma te skei, kan skadelik vir hulle wees.
Bronne: BBC, The Express Tribune, ABC News
Lees ook: Amerikaanse vrou gekritiseer wat babadier van ma neem vir video
