NOORD-KAAP. – Ammunisie wat op ‘n plaas naby die Lutzputspad begrawe was, is na inligting deur die polisie op Keimoes gevind.
Sers. Timothy Sam sê die vermoedelik onwettige ammunisie is op ‘n plaas begrawe gevind. Altesaam 350 x 9 mm rondtes en 200 x LMG rondtes ammunisie is opgegrawe.
Die polisie fynkam die area om vas te stel of nog ammunisie dalk in die gebied begrawe is.
Geen verdagtes is tot dusver in hegtenis geneem nie. Enigiemand met inligting word versoek om die polisie te bel. Inligting sal vertroulik hanteer word.
