Die Wildeklawer skole rugby-en-netbaltoernooi is in 2009 vir die eerste keer aangebied en word dié jaar vir die 11de agtereenvolgende jaar aangebied. Die Wildeklawer-toernooi is die grootste rugby- en netbaltoernooi vir skole in Suid-Afrika, indien nie in die wêreld nie.
Skole neem deel
Hierdie jaar is daar 20 skole wat deelneem aan die rugbytoernooi, asook 12 skole wat deelneem aan die netbaltoernooi, onder andere, Paarl Gimnasium, Grey Kollege, Hoërskool Waterkloof en Menlo Park.
Daar gaan vanjaar plus minus 664 spelers en beamptes teenwoordig wees die jaar. Die toernooi vind plaas vanaf 1 Mei tot 4 Mei 2019 en sal weer by Hoërskool Diamantveld aangebied word.
Toks ‘n Tjops
Elke jaar word daar ’n toer van Wildeklawer vir al die sportspanne aangebied, maar vanjaar gaan hulle deel wees van die Toks ‘n Tjops televisiereeks.
“Daar sal weer na elke rugbywedstryd ’n man of the match aangekondig word en die netbal sal ook pryse kry na die toernooi.”
