OOS-KAAP. – ’n Anonieme weldoener het Maandag vir ‘n groot verrassing gesorg toe hy alle uitstaande lay-bys by PEP in Aberdeen betaal het. Die bedrag uitstaande op die 260 bêrekopies het R132 500 beloop.
Die onbekende besoeker het aan winkelpersoneel gevra hoeveel lay‑bys nog uitstaande was en het onmiddellik die volledige bedrag vereffen. Beyers van der Merwe, PEP se hoof- uitvoerende bemarkingsbeampte het gesê: “Ons was heeltemal verras. Hierdie daad van goedheid het 260 gesinne die verligting en waardigheid gegee om noodsaaklike items soos skoolbenodigdhede en babaklere huis toe te neem, baie net betyds vir die feestyd.”
PEP het sedert 2020 ‘n Lay‑by Buddy‑inisiatief, waarmee enige persoon ‘n Lay‑by Buddy kan word deur bydraes te maak wat regstreeks iemand anders se uitstaande bêrekopie kan vereffen, hetsy in die winkel of aanlyn.
Bronne: Good Things Guy en IOL
