KWAZULU-NATAL. – ‘n Arrestasielasbrief is op 9 September vir Linda Hlengwa, ook bekend as “Mjinja” of “Putin” deur die Pinetown-landdroshof uitgereik.
Kol. Robert Netshiunda, woordvoerder van die polisie, het bevestig dat Hlengwa gesoek word vir sake wat verband hou met die onwettige besit van ‘n vuurwapen en ammunisie. Hy is oorspronklik op 20 Julie 2020 in hegtenis geneem, maar is vrygelaat terwyl ballistiese toetse afgehandel word. Sedertdien het hy verskeie hofdagvaardings geïgnoreer.
“Hlengwa word ook in verband met ’n aantal afpersingsake waarin hy glo sakelui in en om die Mariannhill-omgewing terroriseer, gesoek.”
Enigiemand wat weet waar Hlengwa hom bevind kan sers. Gwala by 079 889 9733 bel.
