OOS-KAAP. – Twee kleuters en ‘n baba het Vrydag in Mdantsane buite Oos-Londen gesterf na hulle na bewering kitspap geëet het.
Lt.kol. Siphokazi Mawisa het aan Nuusflits bevestig die kinders het na bewering nadat hullle kitspap geeët het van maagpyn gekla. Die kinders is vir behandeling na ‘n nabygeleë kliniek gehaas. Al drie het gesterf. Die polisie is ontbied.
Mawisa bevestig die insident word ondersoek en ‘n geregtelike nadoodse ondersoek is geopen.
‘n Kennisgewing oor ‘n kitspap wat as voorsorgmaatreël van die rakke verwyder is, is vroeër deur ‘n bekende winkelgroep uitgereik. Kliënte is aangemoedig om die kitspap terug te neem winkels toe. Volgens die kennisgewing is kennis gedra van die kinders se sterfte. Die kennisgewing is Maandag, nadat dit wyd op sosiale media gedeel is, verwyder.
