KWAZULU-NATAL. – ‘n Babaseun is vanoggend (Vrydag) uit ‘n puttoilet in die Sundumbili-gebied gered.
Samantha Meyrick van IPSS Medical Rescue sê dié diens saam met IPSS Search and Rescue het hulle na die toneel gehaas nadat lede van die gemeenskap die baba hoor huil het en vinnig hulp ontbied het. Die baba is deur paramedici geassesseer en na die Sundumbili-kliniek geneem. Dit kom voor asof hy in goeie gesondheid verkeer. Die seun is vanoggend gebore. In die foto saam met hom is ‘n vrou wat hom help red het.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
