Moedersdag is om die draai en dit’s tyd om die ongelooflike vroue wat ons help groei het – letterlik én figuurlik – bederf. Of dit nou jou ma, ouma, tannie, skoonma of daardie suster is wat jou grootgemaak het, elkeen van hulle verdien ’n opregte “dankie”. En wat is ’n beter manier om jou waardering te wys as met ’n pragtige, blomryke geskenk wat langer hou as sjokolade of parfuum?
Hierdie jaar, los die gewone agter en sê dit met blomme en blare van Stodels Tuinsentrum – waar daar iets is vir elke begroting en elke mamma.
LEES OOK: Skep spesiale herinneringe die Moedersdag by Stodels
Waarom plante die perfekte Moedersdag-geskenk is
Blomme verhelder enige ruimte, maar ’n lewende plant doen selfs meer – dit groei en floreer, nes die liefde en sorg wat mammas daagliks gee. Plante is ’n betekenisvolle, volhoubare geskenk wat skoonheid, kalmte en ’n gevoel van vreugde in ’n huis bring. En die beste van alles? Jy hoef nie jou begroting te oorskry nie.
Blomme vir elke begroting
By Stodels vind jy ’n inspirerende verskeidenheid blom- en binnenshuise plante – perfek vir Moedersdag. Hier is ’n paar plantidees om jou ma hierdie Moedersdag te bederf:
Cyclamen
Met hul hartvormige blare en helder blomme bring Cyclamens kleur na skaduryke hoekies en is dit ’n elegante geskenk.
Chrysante
Hierdie vrolike, langlewende blomme simboliseer liefde en dankbaarheid – en teen hierdie prys kan jy een vir elke mammafiguur in jou lewe gee.
Bamboespalms
’n Makkiklike binnenshuise plant met welige groen blare wat die lug suiwer en ’n gevoel van rustigheid aan enige ruimte gee.
Of sy nou ’n deurwinterde plantliefhebber of nuut is in tuinmaak, hierdie sakpas-opsies sal haar spesiaal laat voel.
Dis nie net ’n plant nie – dis ’n herinnering
Plante is meer as net dekor – hulle word deel van ’n huis. Om te sien hoe ’n blom oopgaan of ’n palm ’n nuwe blaar oopvou, word ’n oomblik van vreugde en ’n herinnering aan jou waardering. Dis ’n geskenk wat aanhou gee.
Hoekom dan nie die vroue vier wat jou versorg het, met iets wat groei nie?
Vind jou blommaatjie by Stodels
Met tuinsentrums regoor die Wes-Kaap en Gauteng – én ’n aanlyn winkel vir maklike inkopies – is Stodels jou eenstop-bestemming vir Moedersdag-geskenke wat groei. Of jy nou kleur, groenigheid, of ’n bietjie van albei soek – jy sal iets vind wat blom van liefde.
👉 Besoek nou www.stodels.com of spring in by jou naaste Stodels Tuinsentrum.
