NOORD-KAAP. – ‘n Bejaarde man (78) is Woensdag 30 April omstreeks 04:00 op ‘n kleinhoewe in Leerkrans, Upington, aangerand en beroof.
Kol. Cherelle Ehlers het aan Nuusflits bevestig die Upington-polisie ondersoek ‘n saak van huisroof. Twee verdagtes het die huis betree en die slagoffer oorval. Hy is met ‘n sekel geslaan en het volgens Ehlers geringe beserings opgedoen. Die verdagtes het met huishoudelike items en ander besittings gevlug.
Nog geen arrestasies is gemaak nie, terwyl die ondersoek voortduur. Die polisie vra enigiemand met relevante inligting oor die misdaad om na vore te kom.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
