PRETORIA. – Thabo Bester en Nandipha Magudumana se aansoek vir ‘n interdik om die Netflix-reeks, The Beauty and the Bester, te keer, is tot môre uitgestel.
Lees ook: Thabo Bester en Nandipha Magudumana in hof oor Netflix-reeks
Die paar was vandag in die Pretoria-hooggeregshof om ‘n interdik te kry om te keer dat die reeks môre uitgesaai word.
Bester se prokureur het gesê die reeks bevat vals inligting wat sy regte oortree en sy verhoor gaan beïnvloed. Magudumana se prokureurs het gesê die kontrak wat sy geteken het om toe te laat dat haar argiefmateriaal gebruik word, is ongeldig.
Volgens Netflix se prokureurs is die inligting in die reeks in openbare inligting. Die prokureurs het ook gesê Magudumana het geld ontvang vir die gebruik van haar argiefmateriaal en dat sy die terme van die kontrak verkeerd interpreteer.
Bronne: SABC News, Jacaranda FM, EWN
Lees ook: Thabo Bester en Nandipha Magudumana in hof oor Netflix-reeks
