KWAZULU-NATAL. – ‘n Bestuurder het Donderdag in Reginastraat in die Northdale-area beheer verloor toe ‘n by hom steek en sy voertuig gerol het.
Mi7 National Group sê oproepe is omstreeks 13:00 van die ongeluk ontvang. Met aankoms het die bestuurder aan die kant van die pad gelê. Volgens hom het ‘n by by die venster ingevlieg en hom op die arm gesteek. Hy het beheer oor die voertuig verloor en dit het gerol. Hy het met behulp van omstanders uit die wrak geklim nadat hy ‘n ruit uitgeskop het.
Die beseerde man is deur paramedici gestabiliseer voordat hy vir verdere behandeling na ‘n hospitaal vervoer is.
