FRANKRYK. – Betogings gelei deur die beweging “Kom ons blok alles” het gister in Frankryk uitgebreek teen die politieke klas en voorgestelde begrotingsbesnoeiings. Die betogings het begin op dieselfde dag as wat die nuwe eerste minister, Sébastien Lecornu, ingesweer is. Dit is die land se vyfde eerste minister in minder as twee jaar.
Lees ook: Trump-bondgenoot doodgeskiet terwyl hy oor vuurwapengeweld praat
Betogers het in Parys, Marseille, Bordeaux en Montpellier bymekaargekom om te betoog teen die voormalige eerste minister, Francois Bayrou, se begrotingsvoorstelle. Die betogers wil meer beleggings in openbare dienste hê, meer belasting vir verdieners van hoë inkomste, rente wat gevries word en die bedanking van president Emmanuel Macron.
Sowat 250 mense is in hegtenis geneem tydens die betogings waarin paaie blokkeer is, vullisdromme aan die brand gesteek is en toegang tot infrastruktuur en skole geblokkeer is.
Bronne: BBC, CNN, CNBC
Lees ook: Trump-bondgenoot doodgeskiet terwyl hy oor vuurwapengeweld praat
