VSA. – Bill Gates het gesê hy is van plan om 99% van sy geld deur sy stigting teen 2045 weg te gee. Hy wil die Gates Foundation in 2045 sluit.
Lees ook: Verslag oor vliegtuigongeluk bevind deurmekaar vlieënier veroorsaak brand
Gates het gesê: “Mense sal baie dinge oor my kan sê wanneer ek doodgaan, maar ek is vasbeslote dat ‘hy is ryk dood’ nie een van hulle kan wees nie.
Hy het gesê die drie hoofdoelstellings van sy stigting is om ontslae te raak van voorkombare siektes wat ma’s en kinders doodmaak, ontslae te raak van oordraagbare siektes, insluitend malaria en masels, en om armoede vir miljoene mense te stop.
Gates het die VSA, VK en Frankryk gekritiseer vir die sny van hulle buitelandsehulp-begrotings. Hy het ook Elon Musk daarvan beskuldig dat hy miljoene kinders gaan “doodmaak” oor die opskorting aan befondsing deur die VSA. Gates het gesê die “prentjie van die rykste man in die wêreld wat kinders doodmaak is nie ‘n mooi een nie”.
Bronne: BBC, CNBC, Daily Mail
Lees ook: Verslag oor vliegtuigongeluk bevind deurmekaar vlieënier veroorsaak brand
