GATWICK. – ’n Verslag oor ’n vliegtuigongeluk in Gatwick verlede jaar in Junie het bevind die vlieënier het die brand veroorsaak na hy hom misgis het met sy linker-en regterhand tydens opstyging.
Lees ook: United Airlines-vliegtuie se vlerke raak mekaar op lughawe
Volgens die Air Accidents Investigation Branch het die vlieënier tydens opstyging “per ongeluk” ’n hefboom met sy linkerhand beweeg toe hy veronderstel was om ’n hefboom met sy regterhand te beweeg.
Dit het die vliegtuig se stukrag verminder op ’n tydstip wat die vliegtuig moes opstyg. Die vlieënier het toe vir ’n oomblik weer die vliegtuig laat versnel, maar die remme het aan die brand geraak en die vliegtuig moes ’n “hoëspoednoodstop” uitvoer.
Volgens die verslag was die vlieënier net terug van verlof af toe die voorval plaasgevind het en kon hy nie verduidelik wat veroorsaak het dat hy deurmekaargeraak het nie.
Bronne: Daily Mail, BBC, The Independent
Lees ook: United Airlines-vliegtuie se vlerke raak mekaar op lughawe
