GAUTENG. – Die polisie het ‘n beweerde dwelmsindikaat wat glo onwettige steroïde, geskeduleerde medisyne, stimulante en ander prestasieverbeterende middels aan aanlyn kliënte verkoop, ontbloot.
Lt. kol. Amanda van Wyk sê verskeie verdagtes is by verskeie plekke in Pretoria gearresteer.
“Ondersoeke, wat ‘n forensiese ontleding ingesluit het, het aan die lig gebring dat een van die produkte wat aanlyn as ‘n “vetverbrander” verkoop word, dimethylphenethylamine bevat, ‘n isomeer van metamfetamien wat in die algemeen as crystal meth of tik bekend staan.”
Hierdie is ‘n ontwikkelende storie en die polisie is steeds op die aktiewe misdaadtoneel in East Lynne teenwoordig.
